Bashkia e Tiranës nisi prezantimin dhe konsultimin e projektbuxhetit 2018 me banorët e Njësisë 7, duke vijuar traditën e mirë të krijuar dy vitet e fundit, ku janë qytetarët ata që vendosin prioritetet e investimeve në lagjen e tyre. Prezantimi i projektbuxhetit do të vijojë në të gjitha njësitë administrative të Tiranës, gjatë të cilave qytetarët do mund të japin sugjerimet e tyre mbi investimet e bashkisë. Në prezantimin me banorët e Njësisë 7, kryetari i Bashkisë së Tiranës, Erion Veliaj, nënvizoi se projektbuxheti i 2018 është 15% më i lartë se ai i një viti më parë dhe gati 3 herë më i lartë se buxheti i vitit 2014.
