Subscribe në Ora News këtu http://bit.ly/1s5j7UT
Presidenti i Kosovës Hashim Thaçi nderoi qytetarët e Kukësit me ?Urdhërin e Lirisë?, për zemërgjerësinë dhe bujarinë që ata treguan në periudhën më të vështirë për qytetarët e Kosovës.
Duke iu drejtuar Kukësit dhe gjithë Shqipërisë, në fjalimin e tij Thaçi tha se, falë solidaritetit dhe ndjenjës së pastër shqiptare, vëllezërit e dëbuar kosovarë gjetën ngrohtësinë e vatrës shqiptare në kohën e luftës.
Në fjalimin e tij nga qyteti i Kukësit, presidenti i Kosovës, nënvizoi se mardhëniet mes Kosovës dhe Shqipërisë kanë ndryshuar rrënjësisht dhe se alternativa më e mirë është ajo e integrimeve euroatlantike.
Falë solidaritetit dhe ndjenjës së pastër atdhetare, në Kukës dhe në mbarë Shqipërinë, kosovarët e dëbuar gjetën ngrohtësinë e vatrës shqiptare. Për qytetarët e Kukësit sot do të ndaj medaljen ?Urdhri i Lirisë? ?Pavarësisht se jemi një komb në dy shtete, ne nuk kemi alternativë tjetër përpos integrimeve euroatlantike", tha ai.
Ndërkohë kryetari i Bashkisë së Kukësit, Bashkim Shehu tha se kjo e sotmja është një ditë e shënuar, pasi Kukësi u ndërua për vlerat dhe humanzimin që ka treguar për qytetarët e Kosovës. Kukësi dhe gjithë Shqipëria hapën dyert dhe zemrat për vëllezërit e tyre nënvizoi Shehu..
Kukësi nderohet për humanizmin ndaj vëllezërve të Kosovës. Kukësi me gjithë rajonin hapen dyert dhe zemrat për vëllezërit e tyre. Sot në mesin tonë është i nderuari presidenti Thaçi. Në atë kohë vinte si luftëtar i UÇK-së, sot vjen të na nderojë si president i Kosovës së lirë e të pavarur. Kosova di të nderoj. Kosova nuk harron të kaluarën e vet. Kosova nuk e harron Kukësin dhe kuksianët.
Në fjalimin e tij përmbyllës, kryetari i Bashkisë tha se nderimi i sotëm është një shenjë kujtese për vitin 1999. Një ditë e tillë le të shpallet si ditë kombëtare e humanizmit, tha kreu bashkiak i Kukësit.
Për më shumë lexoni në:
http://www.oranews.tv/article/presidenti-thaci-nderon-kukesin-jep-urdherin-e-lirise-kuksianet
