Kreu i Guardia di Finanza, Giorgio Toschi ka prezantuar raportin për kultivimin e kanabisit në vendin tonë. Ai tha se gjatë vitit 2017 janë sekuestruar në brigjet italiane 33 ton lëndë narkotike, me një rritje të trafikut prej 116% krahasuar me një vit më parë. Toschi theksoi gjithashtu se sipërfaqet e kultivimit të kanabisit në territorin shqiptar kanë rënë, ndërsa shtoi se Guardia di Finanza ka realizuar mbi 129 orë fluturimi nga muaji maj e deri në tetor të këtij viti.
