Drejtësia shqiptare vazhdon të prodhojë skandale në lidhje me personat e përfshirë në kultivim e trafik droge. Ishte Gjykata e Shkallës së Parë Vlorë ajo e cila pak javë më parë i dha lirinë Rakip Arapajt të prangosur si posedues të 5 ton kanabis në Llakatund të Vlorës.
Këtë vendim e apeloi prokuroria dhe më 31 tetor 2017, siç dhe shihni në vendimin e siguruar nga Report Tv, Apeli i Vlorës e ka rikthyer në qeli Arapajn. Por pas këtij vendimi rezulton se Rakip Arapaj është arratisur nga banesa ku ishte lënë me masë sigurie dhe nga ai moment nuk gjendet më.
