http://www.vizionplus.tv
https://facebook.com/VizionPlusTV
https://twitter.com/VizionPlusTV
Kryetarja e Komisionit të Sigurisë Ermonela Felaj, tha se nga 800 dosje për procesin kalimtar të vettingut të prokurorëve e gjyqtarëve, janë përpunuar gjysma e tyre.
Deklarata e Felajt u bë pas vizitës së deputetëve të këtij komisioni në Drejtorinë e Sigurimit të Informacionit të Klasifikuar, e cila ka një rol kryesor në procesin e vettingut.
Drejtoria e Sigurimit të Informacionit të Klasifikuar verifikon nëse zyrtarët kanë apo jo lidhje me figura të krimit.
Pak ditë më parë kryetarja e komisionit të sigurisë tha se një pjesë e gjyqtarëve e prokurorëve kanë bërë transferta të dyshimta bankare, të dhëna që janë regjistruar nga drejtoria e pastrimit të parave.
Sipas ligjit për rivlerësimin e gjyqtarëve dhe prokurorëve, Drejtoria e përgjithshme e pastrimit të parave bën kontrollin e llogarive financiare të njerëzve që do të kryejnë Vetting-un për 9 vitet e ardhshme, anëtarëve të Komisionit të Posaçëm të Kualifikimit dhe Kolegjit të Apelimit.
