Subscribe në Ora News këtu http://bit.ly/1s5j7UT
Një i moshuar humbi jetën, pasi banesa e tij u përfshi nga flakët e zjarrit.
Ngjarja ndodhi rreth orës 12 të së mërkurës në fshatin Rrile të Lezhës, ndërsa viktime mbeti shtetësi Gjet Deda 85-vjeç.
Ky i fundit ka qenë i vetem në banesë, duke qëndruar në dhomën e tij në momentin e zjarrit.
Kanë qenë fqinjët e viktimës të cilët sapo kanë parë tymin kanë ndërhyrë me mjete rrethanore për të shuar flakët, por pa mundur që ta shpëtojnë 85-vjeçarin i cili humbi jeten nga flaket në një kohë të shpejtë.
Menjëhere në vendin e ngjarjes mbërriten zjarrfikësit dhe policia të cilët nisen hetimet.
Sipas të dhënave shkak i zjarrit ka qenë një pakujdesi e viktimës.
Ai ka qenë duke pirë duhan në dhomë dhe cigarja i ka rënë në dyshekun e krevatit, i cili ka marrë flakë shumë shpejt.
Përshkak të moshës së thyer, i moshuri nuk ka mundur të largohet dhe është shkrumbuar brenda në dhome.
Një fqinj i viktimës rrëfen ngjarjen, teksa thotë se ka shkuar shumë shpejt për ti dhënë ndihmen e parë por gjithçka ka qenë e kotë.
Trupi i pajetë i 85 vjeçarit u nxor nga zjarrfikësit dhe u tranportua me një autoambulancë në morgun e Spitalit të Lezhës ku do ti nshtrohet mjekësisë ligjore.
Sipas të dhënave nga zjarri janë shkaktuar dhe dëme të konsiderueshme në banesë, ndërsa mësohet se i moshuri jetonte me djaline tij, i cili në momentin e ngjarjes ka qenë në punë.
Për më shumë lexoni në:
http://www.oranews.tv/vendi/lezhe-i-moshuari-vdes-tragjikisht-u-dogj-nga-nje-cigare/
