Vetëm pak kilometra larg Aeroportit Ndërkombëtar të Rinasit, Drejtori i Drejtorisë Vendore të Policisë Tiranë, Ardi Veliu, deklaroi për mediat se 7 persona kishin krijuar një punishte për kanabisin. Në Pyllin e Zeneljave, në zonën ndërmjet Fushë-Prezës dhe Valiasit, një grup të rinjsh kishin krijuar një tunel si dhe kishin mbjellë 220 bimë narkotike në zonën përreth tunelit.
Siç mund të dallohet edhe nga video e Policisë, kjo është fusha ku ishin mbjellë bimët e kanabisi, të shpërndarë në një sipërfaqe të madhe, për tu mos u zbuluar.
Të arrestuar nga operacioni ?Muzgu? i Policisë janë: Nexhmi Kallari, Mariglen Kallari dhe Rexhino Kallari, organizatorët e grupit, ndërkohë që ndihmësit kanë qenë Gazmir Sala, Bledar Sala, Denaldo Sala dhe Mehmet Domi, të gjithë të afërt me njëri-tjetrin. Policia ka proceduar në gjendje të lirë 10 persona të tjerë, të cilët ishin punëtorë në këtë tunel.
Pritet që Policia e Shtetit të marrë masa ndaj disa oficerëve të Policisë që ishin përgjegjës për zonën.
