Prokurori i Përgjithshëm, Adriatik Llalla, sapo ka mbërritur në qytetin e Vlorës. Llalla ka shkuar në Vlorë menjëherë pas aksionit policor, ku u sekuestrua një sasi e madhe droge, e cila iu përkiste miqve të shtetasit Moisi Habilaj.
Ky i fundit është në qendër të diskutimeve prej ditësh, pasi u kap në Itali, si kreu i një bande të gjerë droge. Drejtësia italiane publikoi dhe përgjimet e bandës, ku përmendej dhe emri i ish-ministrit Saimir Tahiri si i përfshirë në trafikun e drogës. Policia sekuestroi mbrëmjen e kaluar 4.5 tonë drogë, ndërsa vijon ende aksioni.
Në këtë vizitë urgjente në qytetin bregdetar, Llalla shoqërohet dhe nga eksponentë tjerë të Prokurorisë, ndërsa në mesditë pritet një deklaratë.
