Ëndrra amerikane vazhdon. Pasi u konfirmua zyrtarisht nga ambasada se lotaria do të hapet edhe këtë vit, ora 18:00 shënoi startin në shumë internet-kafe ku ofrohej edhe asistenca e aplikimit.
Në pritje të hapjes së aplikimit, shumë të rinj konfirmojnë se do të provojnë sërish këtë vit.
Procedurat janë rigoroze. Nuk lejohen gabime, ndaj dhe të gjithë u drejtohen sdudiove për fotografinë që kërkohet. Qoftë dhe një gabim në aplikim të skualifikon.
Gara sapo ka filluar dhe nuk dihet nëse këtë vit do ta thyejmë apo jo rekordin e 200 mijë aplikimeve të vitit të kaluar. Por edhe sivjet korcarët mendojnë se do të jenë të privilegjuarit e fatit.
