Një ndër jahtet më gjigantë në botë ka mbërritur mëngjesin e sotëm në Portin e Sarandës. Bëhet fjalë për jahtin ?Maltese Falcon?, i cili është ankoruar sot në qytetin jugor.
Gazetari i Report Tv raportoi se ky është një jaht që përdoret me qira dhe me të kanë bërë udhëtime njerëz të famshëm në botë, duke përmendur edhe themeluesin e Google, Larry Page.
Gjithashtu, jahti gjigant është marrë me qira nga të tjerë njerëz me famë botërore, siç është aktori Tom Hanks, apo dhe aktori, këngëtari e producenti Hugh Jackman.
Ky është një event i veçantë për qytetin e Sarandës, edhe pse nuk dihet ende se kush ka mbërritur me jahtin superluksoz.
