Shqipëria sipas Forumit Ekonomik Botëror, renditet ekonomia e 75-të më konkurruese në botë, duke lënë pas Serbinë, Malin e Zi, Bosnjen, por edhe Greqinë.
Ky është viti i tretë radhazi që ekonomia shqiptare vlerësohet pozitivisht, duke e përmirësuar renditjen me 22 vende në shkallë globale në tre vjet, me një përmirësim prej 5 vendesh në raport me vitin e kaluar dhe duke pasur pozicionimin më të mirë në rajon.
Raporti i konkurrueshmërisë analizon mbi 120 tregues për çdo ekonomi të botës, të grupuara në 12 kolona kryesore. Ndër to përfshihen cilësia e institucioneve, infrastruktura, gjendja ekonomike, shërbimet prioritare si arsimi dhe shëndetësia, zhvillimi i tregjeve financiare, si dhe inovacioni i biznesit.
