Seanca e parë e legjislaturës së 9- të të Parlamentit të Shqipërisë e drejtuar nga Besnik Bare si deputeti më i vjetër, është mbyllur.
Gjatë kësaj seance janë lexuar 140 emrat e deputetëve të cilët morën mandatin nga zgjedhjet e 25 qershorit.
Seanca e dytë parlamentare do të zhvillet pasditen e sotme në orën 18:00, ku deputetët do zgjedhin kryetarin e ri të Kuvendit, ish-kreun e grupit parlamentar socialist, Gramoz Ruçi. Ruçi është kandidat i vetëm i propozuar nga PS.
Ai ka mbështetjen e të gjithë deputetëve të PS, ndërsa PD dhe LSI, si opozitat e Kuvendit të ri, kanë paralajmëruar votën kundër. Vendimi është marrë nga grupet parlamentare respektive një ditë më parë.
