Jeevitha Rajasekhar responded on PoW Sandhya and News Channel. They condemn the Sandhya allegations made on Them. Jeevitha Rajasekhar said that.. allegations made on us are baseless. We will take it seriously. This absolutely conspiracy against the fame and popularity.
సినీనటులు జీవిత, రాజశేఖర్‌పై సామాజిక కార్యకర్త, పీవోడబ్ల్యూ నేత సంధ్య చేసిన ఆరోపణలు మీడియాలో సంచలనం రేపాయి. తన భర్త రాజశేఖర్ కోసం జీవిత అమ్మాయిలను పంపేదని సంధ్య మహాన్యూస్ ఛానెల్‌లో వ్యాఖ్యలు చేసిన సంగతి తెలిసిందే. ఈ వ్యాఖ్యలు సినీ, మీడియా వర్గాల్లోనూ దుమారం రేపాయి. సంధ్య వ్యాఖ్యలు అత్యంత వివాదాస్పదమవుతున్న నేపథ్యంలో వాటిపై సినీ నటులు జీవిత, రాజశేఖర్ స్పందించారు. సదరు టీవీ ఛానెల్‌పై తీవ్ర నిరసన వ్యక్తం చేశారు. అంతేకాకుండా మహా న్యూస్ ఛానెల్‌పై, సంధ్య చేసిన వ్యాఖ్యలపై వివరణ ఇస్తూ జీవిత, రాజశేఖర్ బహిరంగ లేఖను విడుదల చేశారు.
రేటింగ్సే పరమావధిగా తమ ఎదుగుదల కోసం ఎవరిపైనా బురద చల్లడానికి వెనుకాడని ఘనత వహించిన ‘మహా న్యూస్' అనే దగా న్యూస్ ఛానెల్ మా మీద ఈ నెల 14వ తేదీన ఓ కార్యక్రమాన్ని ప్రసారం చేసింది.
తానొక మహిళను అని మరిచిపోయిన ఓ నాయకురాలు ఎలాంటి సాక్ష్యాలు, ఆధారాలు లేకుండా నా మీద, మా కుటుంబం మీద ఆరోపణలు చేసింది. నా వ్యక్తిగత, కుటుంబ పరువు, ప్రతిష్ఠలు దిగజార్చే విధంగా మాట్లాడిన విషయం అందరి దృష్టికి వచ్చింది.
సదరు నేత మాపై ఆధారాలు లేకుండా మాట్లాడుతున్నప్పుడు సాక్ష్యాధారాలు ఏమిటని టెలివిజన్ ఛానెల్ యాజమాన్యం ప్రశ్నించకుండా ఉండటం చాలా దారుణం. నిరాధారమైన ఆరోపణలను ప్రజలను నమ్మించే విధంగా ప్రవర్తించిన మహా న్యూస్ హోస్ట్ మూర్తి గారికి, పీవోడబ్ల్యూ సంధ్యకు ఇదే నా సమాధానం.
ఛానెల్ చేతిలో ఉంది కాదా అని ఏమైనా మాట్లాడగలం అని అనుకోవద్దు. ఇలాంటి తప్పుడు ఆరోపణలు చేసినందుకు మీ మీద నేను తీసుకోనే సివిల్, క్రిమినల్ చర్యలకు సిద్ధంగా ఉండండి అని జీవితా రాజశేఖర్ హెచ్చరించారు.
