Nandamuri Balakrishna's latest movie is Jai Simha.2018 Telugu, Action film, produced by C. Kalyan on CK Entertainments banner and directed by K. S. Ravikumar. Starring Nayanthara, Natasha Doshi, Hariprriya in the lead roles and music composed by Chirantan Bhatt.
తన నటజీవితంలో 100వ చిత్రం గౌతమీపుత్ర శాతకర్ణి తర్వాత నటసింహం నందమూరి బాలకృష్ణ సినిమాల వేగం పెంచాడు. 101 చిత్రం పైసా వసూల్ తర్వాత జై సింహా చిత్రం కోసం ప్రముఖ దర్శకుడు కేఎస్ రవికుమార్‌తో బాలయ్య జతకట్టాడు. యాక్షన్, సెంటిమెంట్‌కు పెద్ద పీట వేసే ఈ చిత్రాన్ని సుమారు 70 రోజుల్లోనే పూర్తి చేశారు. నయనతారతో మూడోసారి జత కట్టిన బాలయ్య జనవరి 12న ప్రేక్షకుల ముందుకువచ్చాడు. భారీ అంచనాల మధ్య సంక్రాంతి కానుకగా వచ్చిన ఈ చిత్రం ప్రేక్షకులను ఏ రేంజ్‌లో ఆకట్టుకొన్నదో తెలుసుకోవాలంటే కథలోకి వెళ్లాల్సిందే..
నరసింహా (బాలకృష్ణ) వైజాగ్‌లో మెకానిక్. అన్యాయాన్ని, అక్రమాలను సహించడు. నరసింహా, గౌరీ (నయనతార) గాఢంగా ప్రేమించుకొంటారు. పెళ్లి చేసుకోవాలని నిశ్చయించుకొంటాడు. పరిస్థితుల కారణంగా తాను ప్రాణంగా ప్రేమించిన గౌరీ మనసులో ప్రేమకు బదులు ద్వేషాన్ని పెంచాలనుకొంటాడు. అందుకోసం తన వద్ద పనిచేసే మంగ (హరిప్రియ)ను పెళ్లి చేసుకొని గౌరీకి షాకిస్తాడు. తనను మోసగించడాన్ని కారణంతో నరసింహాపై గౌరీ ద్వేషాన్ని పెంచుకొంటుంది. మంగ కవల పిల్లలకు జన్మనిచ్చి కన్నుమూస్తుంది. తన కవల పిల్లల్లో ఒకరిని గౌరీ వద్దకు చేర్చి తాను తమిళనాడులోని కుంభకోణానికి వెళ్లిపోతాడు.
