Pawan Kalyan's Agnyaathavaasi has collected over $1.40 million at the US box office in the premieres and beaten the records of Baahubali: The Beginning and Khaidi No 150.
పవన్ కళ్యాణ్ నటించిన 'అజ్ఞాతవాసి' చిత్రం యూఎస్ఏలో గతంలో ఏ తెలుగు సినిమా రిలీజ్ అవ్వనన్ని లొకేషన్లలో విడుదలైంది. 'ఎల్ఏ తెలుగు' వారు ఈ చిత్రాన్ని అక్కడ 209 లొకేషన్లలో విడుదల చేశారు. రిలీజ్ విషయంలో ఇది 'బాహుబలి', 'బాహుబలి-2'ని సైతం మించిన రికార్డ్. ఇంత భారీగా విడుదలవ్వడం, పవర్ స్టార్ అంటే విపరీతమైన క్రేజ్ ఉండటంతో 'అజ్ఞాతవాసి' సినిమా బాహుబలి-2 ప్రీమియర్ షో కలెక్షన్ రికార్డులను బద్దలు కొడుతుందని అంతా భావించారు.
‘బాహుబలి-2' కంటే ఎక్కువ లొకేషన్లలో పవర్ స్టార్ సినిమా ప్రీమియర్ షోలు పడ్డప్పటికీ..... కలెక్షన్ల విషయంలో బాహుబలి-2ను మించలేక పోయింది ‘అజ్ఞాతవాసి'. దాదాపు మిలియన్ డాలర్ వెనకే ఉండిపోయింది.
రాజమౌళి దర్శకత్వంలో ప్రభాస్,రానా, అనుష్క ప్రధాన పాత్రల్లో తెరకెక్కిన బాహుబలి-2 చిత్రం $ 2.45 మిలియన్ డాలర్స్ ప్రీమియర్ షో వసూళ్లతో నెం.1 స్థానంలో కొనసాగుతోంది.
యూఎస్ఏలో 209 లొకేషన్లలో విడుదలైన ‘అజ్ఞాతవాసి' చిత్రం ప్రీమియర్ షోల ద్వారా $ 1,46 మిలియన్ డాలర్లు వసూలు చేసింది. సెకండ్ హయ్యెస్ట్ ఆల్ టైమ్ ప్రీమియర్ షో కలెక్షన్ ఇది.
2015లో వచ్చిన బాహుబలి-1 మూవీ $ 1.36 మిలియన్ డాలర్స్ వసూళ్లతో ఇప్పటికీ నెం. 3 పొజిషన్లో కొనసాగుతోంది.
