السلام عليكم أيها المشاهدون الكرام ورحمة الله وبركاته
انا صرت متأكد أن هالدب الداشر مغامر، الى حد الجنون.
ما يجيب خبر أحد.
يسوي اللي في باله ويظن انه قادر على كل شيء!
والا فيه واحد عاقل يقول لرئيس وزراء لبنان تعال عندي ابي اجتمع فيك، وتعال لوحدك بس بدون مستشارين، وبعدين يكتب له خطاب استقالة، ويجبره ان يلقيه من قناة العربية؟! وفوق ذا، يحتجزه وما يخليه يسافر ويطلع برا السعودية الا الى الامارات لان هناك صديقة محمد بن زايد.
كيف يصير ذا؟
لا ويعتقد الداشر وتسلبه السبهان، ان هذا ممكن، وعادي، والسعودية دولة عظمى تسوي اللي تبيه.
الواحد يتعلم من أول درس!
يا داشر مو انت اللي غامرت بحرب في اليمن وقلت هذي بس ثلاثة اسابيع وينتهي الأمر. صار لنا ذالحين قريب ثلاث سنوات.
وبعدين تكرر المغامرة وتروح لقطر، وتظن أنها اسبوع اسبوعين وتنظيم الحمدين وتميم راح يكونوا في خبر كان.
ولنا ذالحين ستة شهور، وانت مكانك سرّ.
لا.. وتقول بعدما فشلت: أن قطر مشكلة صغيرة جداً جداً جداً!
لا بوك انت ما تفهم؟
عندك عقل ولاّ فيه خلل؟
يا اخي هياطك ما توقف عنه.
هياط في اليمن، وهياط في قطر، وهياط في لبنان، وهياط اكثر على ايران.
طيب عندك مشكلة مع ايران، وتقول انك تبي ترد على ايران وتدخلاتها مباشرة، خاصة بعد صاروخ الرياض اليمني..
اوكي.. ايران تبعد عنك اقل من مائة كيلومتر.
عندك اياها، اضربها، مو تروح للضعوف، وتبرّد حرّتك فيهم.
انتظرنا انك تضرب ايران، واذا بك تغير الموجة وتقول انك تبي تضرب حزب الله، وشوي ما شفناك الا انت تصفع في الحريري، اللي هو حليفك، يا ذكي.
كل مرة الواحد يبي يفهمك، تطلع تيسنْ أربد. مثل هذا التيس:
للتبرع عن طريق عملة البت كوين الالكترونية
34AxwPuaohmp91uYJtW1o7Bn34A8YiUBKD
برنامج الجنادرية مع غانم الدوسري
حساب تويتر
حساب فيس بوك
إيميل
galmasarir@gmail.com
whatsapp:
00447478260630
سناب
