Subscribe në Ora News këtu http://bit.ly/1s5j7UT
Për të mësuar nëse jeni fitues ose në Universitete dhe mundësitë qe keni, duhet të informohen vazhdimisht përmes portalit u-albania.arsimi.gov.al. Kandidatët për studentët mësojnë në kohë reale nëse janë fitues ose jo përmes këtij aplikacioni. Ata të cilët ende nuk janë fitues në këtë raund të parë, kanë shpresa në raundin e dytë i cili do të nisë në 15 shtator.
Çdo ditë kandidatët për studentë mund të klikojnë në këtë portal u-albania.gov.al për të mësuar nëse janë fitues ose jo për programin ku kanë dëshirë të vazhdojnë studimet e larta.
Pasi hapet portali, duhet të klikoni në këndin e maturantit dhe në kutinë që shfaqet në ekranin e kompjuterit apo celularit vendosni ID tuaj, dhe menjëherë do të mësoni nëse jeni fitues ose jo.
Nëse ju del ngjyra jeshile në një nga kolonat, ju keni fituar në x Universitet dhe në programin që keni kandiduar, ndërsa nëse ju del ngjyra e kuqe, nuk jeni ende fitues.
Drejtorja e Qendrës së Shërbimeve Arsimore, Rezana Vrapi, qetëson maturantët duke thënë se nuk duhet humbur shpresa, pasi jemi në prag të raundit të dytë që nis në 15 shtator.
Rezana Vrapi: Për këta kandidatë ka shpresë në raundin e dytë i cili do të fillojë pas disa ditësh. Janë vetëm dy raunde. Të gjthë ata që kanë ankimuar dhe ju është pranuar ankimimi duhet të paraqiten menjëherë pranë sekretarisë përkatëse dhe të kryejnë regjistrimin. Në datën 15 kemi raundin e dytë të aplikimit.
Në këtë raund të dytë, ju keni të drejtë të ndryshoni preferencat tuaja, të vendosi programe që nuk i kishit zgjedhur në raundin e parë.
Për më shumë lexoni në: http://www.oranews.tv/vendi/maturante-mos-humbisni-shpresat-raundi-i-ii-nis-ne-15-shtator/
