http://www.vizionplus.tv
https://facebook.com/VizionPlusTV
https://twitter.com/VizionPlusTV
Pasojat e uraganit ?Harvey? kane qene aq te medha sa kane shkaterruar plotesisht shtëpiat e te pakten 20 familjeve shqiptare.
Lajmi eshte bere i ditur nga Ambasadorja e Shqipërisë në Shtetet e Bashkuara të Amerikës, Floreta Faber, ne nje postim te saj ne rrjetin socila Facebook.
Faber shkruan se ndonese komuniteti shqiptar është i vogël, të paktën 20 familje shqiptare janë prekur totalisht nga kjo fatkeqësi natyrore duke i rrëmbyer shtëpitë, makinat dhe të gjithë pasurinë që ata kishin.
Ky eshte statusi i plote i zonjes Faber ne FB:
?Houstoni sot është i gjithi i përmbytur! Rreziku i furtunës nuk ka kaluar ende. Komuniteti shqiptar atje, megjithëse relativisht i vogël në numër, përbëhet nga 500-600 familje.
E prekur thellësisht për sa kam ndjekur përditësimin e ngjarjeve, ju drejtohem të gjithëve bashkëkombësve të mi, ju që po vuani pasojat e natyrës bashkë me të gjithë pjesën tjetër të popullsisë amerikane që jeton dhe punon në Houston dhe rrethinat e tij.
Nga kontaktet me autoritetet kemi mësuar se deri tani nuk ka pasur fatalitete ndërmjet familjeve shqiptare. Kam kontaktuar me drejtuesit e organizatës Arbëria Houston dhe jam informuar se janë të paktën 20 familje shqiptare të prekura totalisht nga kjo fatkeqësi natyrore duke iu rrëmbyer shtëpitë, makinat, dhe të gjithë pasurinë që ato kanë.
Së pari, shpresoj thellësisht që të gjithë të mbeteni jashtë rrezikut për jetën! Qyteti i Houstonit është akoma nën kërcënimin e faktorëve të natyrës, por edhe nën gjendje emergjence për arsye të rritjes së kriminalitetit në qytet.
Ju inkurajoj të bëni atë që shqiptarët bëjnë më mirë, të qëndroni sa më afër dhe ndihmoni njëri-tjetrin. Mos u ndjeni se jeni larg vendit, të afërmve apo miqve tuaj. Ju siguroj që vëmendja jonë është atje në Houston!
Kontaktet e Ambasadës në Uashington 202.223.4942, embassy.washington@mfa.gov.al dhe numri i emergjencës 202.758.9526 janë të hapura për çdo informacion apo për t?u lidhur me familjarët tuaj. Do ju vëmë në dispozicion të gjitha sa ne kemi mundësi.
Jemi me mendje dhe me zemër bashkë me Ju!
Floreta Faber
Ambasadore e RSH në Shtetet e Bashkuara?.
