Subscribe në Ora News këtu http://bit.ly/1s5j7UT
Zjarri masiv pranë fshatit Karmë të Pukës ka vendosur në vështirësi forcat zjarrfikëse dhe shërbimin pyjor që nuk kanë mundur të lokalizojnë flakët. Për këtë arsye, Emergjencat Civile kanë kërkuar ndihmën e helikopterëve VIVA të cilët kanë mbaruar misionin e tyre në Martanesh dhe i janë drejtuar Pukës.
Kështu, në fshatin Karmë vijon të jetë aktive vatra e zjarrit që rrezikon edhe banesat. Forcat zjarrfikëse të mbështetur nga punonjës të pyjores kanë punuar deri në orët e mbrëmjes së të premtes, por pa arritur të izolojnë flakët.
Terreni i thyer dhe era e fortë kanë favorizuar përhapjen e zjarrit që ka djegur një sipërfaqe e konsiderueshme me pyll pishe. Për të vendosur nën kontroll flakët po punon një helikopter VIVA që përbën tashmë ndihmën më të madhe për të shmangur rrezikun ndaj banesave por edhe parandalimin e djegies së më shumë sipërfaqe pyjore.
Për më shumë lexoni në:
http://www.oranews.tv/vendi/zjarret-helikopteret-viva-nderhyjne-ne-puke-e-kurbin/
