Светска недела на детето Ана Битољану Утринска на ТВНова 09 10 2017
Оваа година Детската недела ја посветуваме на важноста на чистиот воздух и развивањето здрави животни навики кај младите како предуслов за остварување на детските права.
Детска недела, 02-08 Октомври 2017.
Секоја година, првата седмица од месец октомври им се посветува на децата под мотото Детска недела. Во просториите на Детската амбасада Меѓаши во текот на Детската недела, традиционално доаѓаат групи деца од градинките и основните училишта во Македонија каде се запознаваат директно со работата на амбасадата и учествуваат на работилница за детските права.
Оваа година Детската недела ја посветуваме на важноста на чистиот воздух и развивањето здрави животни навики кај младите како предуслов за остварување на детските права.
На прашањето за здравите животни навики во контекст на правата на децата многу малку или воопшто не се зборува во Република Македонија. Според документот Насоки за исхрана на населението на Република Македонија, http://zdravstvo.gov.mk/vodich-za-ishrana/ ,,... Една третина од децата на возраст од 6 до 7 години во РМ се со зголемена телесна тежина или дебели, а 13% се дебели.[2] Се почесто ризик-факторите за појава на болест се откриваат во детска возраст, многу порано од времето во кое истите би се очекувало да се појават. Навиките за исхрана воспоставени во детството често се рефлектираат и во подоцнежниот живот, правејќи ги раното прифаќање на здрави навики во исхраната и физичката активност важен приоритет.” Исто така според студијата ,,Зелен раст“ од Светската банка секое второ болно дете минатата година се лекувало од респираторни болести кои најчесто се директна последица на загадениот воздух. Децата се најпогодени, особено во грејната сезона, кога концентрацијата на цврстите честички е зголемена. http://www.worldbank.org/en/search…
Поради недоволно адресирање на проблемите со кои децата денес често се судруваат, истите ескалираат или тлеат а се поврзани со: неадекватно однесување во училиште; насилство (и како жртви и како насилници); нездрави начини на живеење со различни последици; неадекватна заштита од возрасните итн. Развивањето на позитивни ставови и практики кон здравиот живот и здравите животни навики посредно и непосредно влијае позитивно во намалувањето на овие проблеми.
Здравјето е основно човеково право признаено во Универзалната декларација и потребни се нови пристапи кон вклучување на здравиот живот и здравите навики во детските права. Според Конвенцијата за правата на детето здравјето е едно од основните човекови права. Во овој контекст бараме од медиумите да го свртат вниманието на јавноста кон прашањето што значи да се биде здрав и дека децата имаат право на тоа, да се актуелизира прашањето каква е улогата на чистиот воздух, исхраната и физичката активност во постигнување и одржување на добро здравје.
