လာမယ့်နှစ်မှာ မြန်မာနိုင်ငံမှာရှိတဲ့ တက္ကသိုလ်တချို့ကို ဆေးလိပ်ကင်းစင်တဲ့ တက္ကသိုလ်တွေအဖြစ် အသိအမှတ်ပြုကြေညာဖို့ရှိပါတယ်။
အဲ့ဒီလိုအသိမှတ်ပြုကြေညာနိုင်မယ့်တက္ကသိုလ်တွေထဲမှာမကွေးဆေးတက္ကသိုလ်၊ဆေးတက္ကသိုလ်(၁)(ရန်ကုန်)၊ဆေးတက္ကသိုလ်(၂)(ရန်ကုန်)၊သူနာပြုတက္ကသိုလ်နဲ့ဆေးဝါးတက္ကသိုလ်စတဲ့တက္ကသိုလ်တွေပါဝင်လာဖို့ရှိတယ်လို့ သိရပါတယ်။
ဒီအစီအစဉ်ကို ကျန်းမာရေးနဲ့အားကစားဝန်ကြီးဌာန၊ပညာရေးဝန်ကြီးဌာနနဲ့ ပြည်သူ့ကျန်းမာရေးဖောင်ဒေးရှင်းတို့ပူးပေါင်းပြီး ဆောင်ရွက်နေတာဖြစ်ပါတယ်။
အဲ့ဒီလိုဆောင်ရွက်ရာမှာ ပထမအဆင့်အနေနဲ့ ကျန်းမာရေးနဲ့အားကစားဝန်ကြီးဌာနလက်အောက်က တက္ကသိုလ်တွေမှာ လုပ်ဆောင်နေတာဖြစ်ပြီး ဒုတိယအဆင့်ကတော့ အဆင့်မြင့်ပညာဦးစီးဌာနလက်အောက်က တက္ကသိုလ်တချို့မှာ ဆောင်ရွက်မှာဖြစ်ပါတယ်။
အဲ့ဒီတက္ကသိုလ်တွေမှာ ဆေးလိပ်ကင်းစင်ခြင်း ရှိ၊မရှိကို Smoke Free Meter လို့ ခေါ်တဲ့ သတ်မှတ်ချက်စံနှုန်းတွေနဲ့ ကွင်းဆင်းစစ်ဆေးမှုတွေကို လာမယ့်နှစ်မှာ ဆောင်ရွက်မှာဖြစ်တယ်လို့ ပြည်သူ့ကျန်းမာရေးဖောင်ဒေးရှင်း ဒုတိယဥက္ကဋ္ဌ ဒေါက်တာသိန်းဆွေက ပြောပါတယ်။
ပြီးခဲ့တဲ့ ဩဂုတ် ၂၂ ရက်ကကျင်းပခဲ့တဲ့ ဆေးလိပ် ကင်းစင်ရေးညှိနှိုင်းအစည်းအဝေးပွဲမှာ ကျန်းမာရေးနှင့်အားကစားဝန်ကြီးဌာနလက်အောက်ရှိ ဆေးတက္ကသိုလ်များအပြင် ရန်ကုန်တက္ကသိုလ်၊ရန်ကုန်ပညာရေးတက္ကသိုလ်နဲ့ ဒဂုံတက္ကသိုလ်တို့ကလည်း ၂၀၁၈ခုနှစ်မှာ ဆေးလိပ်ကင်းစင်ရေးတက္ကသိုလ်အဖြစ်ဆောင်ရွက်ဖို့ ကတိက၀တ်ပြုထားတယ်လို့ သိရပါတယ်။
ကျန်းမာရေးနဲ့အားကစားဝန်ကြီးဌာနနဲ့ပြည်သူ့ကျန်းမာရေးဖောင်ဒေးရှင်းတို့ကဆေးလိပ်ငွေ့ကင်းစင်ရေးနယ်မြေတွေဖော်ဆောင်ဖို့ကို စီမံချက်တွေနဲ့ လုပ်ဆောင်နေတာဖြစ်ပြီး ဒီနှစ်ထဲမှာ ရန်ကုန်တိုင်း၊မန္တလေးတိုင်း၊မကွေး၊စစ်ကိုင်း၊ကရင်ပြည်နယ်နဲ့ရှမ်းပြည်နယ်တွေကိုဆေးလိပ်ငွေ့ကင်းစင်ရေးနယ်မြေတွေဖြစ်အောင်လုပ်ဆောင်နေတာဖြစ်ပါတယ်။
မြန်မာနိုင်ငံမှာ နေ့စဉ်ဆေးလိပ်သောက်သုံးသူခြောက်သန်းဝန်းကျင်ရှိပြီး ဆေးလိပ်နဲ့ဆေးရွက်ကြီးကြောင့် နှစ်စဉ်လူဦးရေခုနှစ်သိန်းဝန်းကျင်သေဆုံးနေတယ်လို့ သိရပါတယ်။
ရုပ်သံသတင်းထောက် - လွင်သဲငယ်ဦး
