FIER-Një punonjës i sigurisë tek pika e kolaudimit të mjeteve në lagjen "1 Maji" ka ndërruar jetë mëngjesin e sotëm.
Sipas të dhënave të para, roja i godinës së kolaudimit të mjeteve Guri Hyzaj 65-vjeç banues në lagjen "Sheq i Madh" ka ndërruar jetë si pasojë e një infarkti.
65-vjeçari është gjetur i vdekur nga kolegu i tij sot në mëngjes kur do ndërroheshin turnet.
Sipas dëshmive të para, i moshuari pinte ilaçe, pasi vuante nga zemra dhe vdekja mund të ketë ardhur nga infarkti.
Megjithatë, trupi është dërguar në morg për ekspertizë mjeko-ligjore për të përcaktuar saktësisht shkaqet e vdekjes.
