Policia e Tiranës ka arrestuar autorët e atentatit të ndodhur në kryqëzimin e Komunës së Parisit mbrëmjen e së enjtes, ku mbeti i plagosur Mariglen Hoxha, i njohur edhe me emrin Lorenc.
Blutë kanë publikuar pamjet filmike të marra nga një kamera sigurie, që kanë fiksuar momentin kur u qëllua 25 vjeçari nga Bulqiza.
Në video duken 3 nga 4 të arrestuarit që zbresin nga mjeti i tyre, një BMW X5 dhe i afohen një makinë Mercedes Benz me ngjyrë të bardhë, të ndaluar në semaforin e rrugës "Sulejman Delvina".
Objektivi është në timonin e Mercedesit.
Dejvis Rrustemaj, 27 vjeç, personi që kreu plagosjen, zbret i dyti nga makina e zezë, BMW dhe i afrohet 24-vjeçari Hoxha, i cili është në timon në mjetin e bardhë.
Në pamje duken edhe dy persona të tjerë, të cilët janë Klajdi Kodra, 27 vjeç dhe Igler Qose, 26 vjeç.
I arrestuari i katërt, Ardit Xhaferri dyshohet se ka qënë në timonin e makinës së autorëve.
Kodra hap derën e pasagjerit për të shpërqendruar Hoxhajn, i cili në makinë ndodhej me një tjetër person.
Sapo Rustemaj qëllon, Lorenc Hoxha i jep gaz makinës. Godet MBW ?në e autorëve dhe një makinë tjetër që ka përpara dhe largohet me shpejtësi.
Ndërsa largohen në drejtim të rrugës "Komuna e Parisit", siç shihet në një tjeter video të publikuar dy ditë më parë, e cila është xhiruar nga një makinë e cila ndodhej pas autorëve.
Policia arriti t?i identifikojë falë dëshmisë se të plagosurit dhe mikut të tij, si dhe nga pamjet e kamerave të sigurisë, të vendosura në një shtyllë pranë semaforit.
Ata u arrestuan në zona të ndryshme të Tiranës. Motivi i krimit mësohet se është një konflikt banal i ndodhur mes tyre disa ditë më parë në kryeqytet.
Dy nga katër të arrestuarit janë emra të njohur për policinë e Tiranës, pasi janë persona me precedentë penalë të theksuar.
Tv Klan
