Prej dy ditësh Report TV ka investiguar mbi gjendjen që ndodhet shërbimi zjarrëfikës në vendin tonë.
Rezulton se nga 61 bashki në vend, shërbim zjarrfikës ofrojnë vetëm 38 prej tyre, ndërsa në 23 bashki nuk ekziston.
Edhe në ato bashki ku është ky shërbim, 70 për qind e mjeteve janë të amortizuara.
Flasin për Report Tv drejtorët e zjarrfikësve
Për të parë nga afër këtë gjendje gazetarët e Report Tv kanë shkuar pranë reparteve zjarrëfikse në disa prej qarqeve kryesore.
Dhe nga drejtuesit e këtyre reparteve, është konfirmuar pikërisht problemi i vjetërsisë së mjeteve, të cilat mund të bëhen pengesë edhe për suksesin e operacioneve.
Në Qarkun e Durrësit janë në total 5 mjete zjarrëfikëse, të pesta me një jetëgjatësi afro 30 vite, por edhe pse me mjete te vjetra, forcat zjarrëfikëse kanë arritur të përballen me situatën kritike të ditëve të fundit.
