ТВ Алфа 28 јули 2017 Граѓански здруженија и иницијативи реагираат за кратењето на 4,9 милиони евра од буџетот за животна средина
Група на граѓански иницијативи и здруженија испрати заедничка протестна реакција до сите пратеници во Собранието по повод предложените измени на Буџетот за 2017, кои предвидуваат намалување на средствата наменети за животна средина за 4.9 милиони евра!
Ние велиме СТОП за маргинализирање на животната средина, СТОП за недоволното финансирање и кратење на средставата наменети за оваа област.
Бараме средствата наменети за заштита на животна средина, ако веќе не е можно да се зголемат, да не се намалуваат во предложените измени на Буџетот на РМ за 2017 и пратениците да застанат зад нашите барања.
Протестната реакција е доставена и до Претседателот на Владата на Република Македонија, Замениците на Претседателот на Владата – Радмила Шекеринска Јанковска, Оливер Спасовски, Бујар Османи, Кочо Анѓушев, Хазби Лика, Министерот за животна средина и просторно планирање, Министерот за здравство и Министерот за финансии.
Следува текстот испратен до пратениците на Собранието на РМ:
Почитувани пратеници,
Во предложените измени на Буџетот за 2017 од 7.7.2017, буџетот за животна средина трпи големи промени.
За ЗАШТИТА НА ЖИВОТНА СРЕДИНА средствата се намалени за околу 4.9 милиони евра, за 25%. Од овие средства експлицитно за Заштита на животната средина намалувањето е за 3.9 милиони евра, 24%. За Намалување на загадувањето има скоро 1 милион евра помалку, 36% намалување. За Управување со отпадните води, 24% помалку.
Вкупниот буџет на МЖСПП е намален за скоро 2.4 милиони евра, 23% намалување.
Во него, за ЗАШТИТА НА ЖИВОТНАТА СРЕДИНА има 1.5 милион евра помалку, 29% намалување. Од тоа, за Инвестиции во животната средина 600 000 евра помалку, 23% намалување. За Канализациони мрежи и одводни канали има 800 000 евра помалку, намалување од 56%. За Каскадни прегради на река Вардар и канализациона мрежа во Велешта и Отља буџетот е намален за 50%.
Ионака исклучиво малите средства за МОНИТОРИНГ се додатно скратени за 24%, буџетот за УНАПРЕДУВАЊЕ НА ЖИВОТНАТА СРЕДИНА е намален за 530 000 евра, 17%, а средствата за ЗАШТИТА НА ВОДИ кои се минорни намалени се за 26%.
Некои ставки, како Поправки и тековно одржување, Договорни услуги, Вложувања и нефинансиски средства се намалени за 50%, 60% и повеќе.
Во состојба со екстремно загаден воздух, води, почва, нестандрадни и илјадници диви депонии во Македонија намалување на средствата за заштита на животната средина е НЕПРИФАТЛИВО. Ваквиот чекор е неодговорен и покажува негрижа за здравјето на своите граѓани и иднината на оваа земја.
Еден момент е сепак за поздравување во предложените измени на Буџетот за 2017. Тое е релоцирање на 197 000 евра од Владата на РМ за чистење на депонијата во Тетово. И зголемување на средствата за Дојранско езеро за 147 000 евра.
Меѓутоа кога ќе се земе обемот на намалување на средствата, овие суми се само фракција од она што е одземено.
Долго време животната средина е област
