Kur kanë kaluar tre javë nga zgjedhjet parlamentare të 25 qershorit, kryeministri Edi Rama ka kërkuar sërish sot largimin nga qeveria të ministrave teknikë të propozuar nga PD.
Gjatë një konference për shtyp, Rama iu përgjigj pyetjes së Report Tv, duke deklaruar se misioni i teknikëve ka përfunduar me sukses dhe nuk ka kuptim më të rrinë në detyrë si pjesë e kabinetit qeveritar. Nga ana tjetër, kreu i qeverisë ka sqaruar se 6 ministrat dhe zv/kryeministren teknike nuk ka ndërmend t'i shkarkojë.
