Sëmundja e turbekulozit nuk është e rrezikshme për jetën dhe nuk ka vend për të alarmuar situatën.
Kështu është shprehur shefi i dispanserisë në Durrës, Zyber Pupla, pas lajmit se tre sanitare të spitalit janë prekur nga kjo sëmundje.
Nga gjendja shëndetësore e punonjëseve sanitare janë ngritur dyshimet se ato janë prekur nga sëmundja ngaqë në repartin infektiv janë shtruar prej kohësh 4 pacientë.
Mjeku pneumolog Zyber Pupla, se ende nuk janë gjetur mënyrat e infektimit në rastet e punonjëseve sanitare.
Dy prej sanitareve të Durrësit janë shtruar në Sanatoriumin e Tiranës, kurse pacientët që janë në Durrës po i nënshtrohen mjekimit që ka dhënë shefi i dispanserisë.
Burime nga spitali kanë bërë të ditur se mjekimi për sëmundjen e turbekulozit zgjat deri në 6 muaj dhe është sëmundje e shërueshme 100 përqind.
