Subscribe në Ora News këtu http://bit.ly/1s5j7UT
Nga Elbasani, në mitingun përmbyllës të socialistëve, kryeministri Edi Rama u ktheu përgjigje kritikëve të programit të rilindjes urbane.
Rama: Shumëkush sidomos ata që kanë privilegjin e një mikrofoni, ekrani, e një portali janë vërsulur dhe sulmojnë programin tonë të rilindjes urbane. Di tu them vetëm kaq, nëse ne do të marrim me 25 qershor besimin e shqiptarëve për të pasur timonin e reformave të qeverisjes pa qenë të detyruar të ulim të tjerë në prehër era e rilindjes urbane do të fryjë deri në fshatin më të largët. Gjithë ky qark do të jetë një zonë e preferuar turistike e Shqipërisë, nuk është e largët dita kur në gjithë hapësirën jashtë qytetit do zhvillohet agrobiznesi, agroturizmi dhe sipërmarrje që krijojnë punësim dhe mirëqënie falë bukurive të natyrës së kësaj zone nuk është e largët.
Teksa sulmoi premtimin e kundërshtarëve politike për taksa të ulëta, Rama tha se kushdo që ka premtuar parajsën në këtë vend, ka ricikluar ferrin.
Rama: Cilat taksa do ulin këta, atë të biznesit të vogël qe e kemi zero. Do ulin atë të biznesit të madh që e kemi 15%. Jo nuk do ta ulim sepse kush fiton më shumë do të paguajë më shumë. Kush ka premtuar parajsën në këtë vend vetëm ka ricikluar ferrin, varfërinë, papunësinë dhe korrupsionin me recetat magjike të fushatës që edhe sot e gjithë ditën i bëjnë njësoj. Shqipëria ka akoma varfëri dhe papunësi por nuk lindër 44 muaj më parë. Asnjë qeveri tjetër nuk e ka luftuar varfërinë dhe papunësinë si kemi nisur ta luftojmë ne. Ekonomia nuk rritet duke kopjuar çfarë thonë të tjerët në Europën e zhvilluar sepse nuk kanë problemin që e kemi ne, e kanë bërë shtetin me kohë. Në katër vitet e ardhshme nëse na jepni votat që na duhen do ta rrisim ekonominë mbi 5%.
Për më shumë lexoni në: http://www.oranews.tv/vendi/rama-rrisim-ekonomine-rilindim-fshatrat-komenton-foton-basha-trump/
