TIRANË- Trajneri italo-shqiptar, Gianni De Biasi, ka dhënë dorëheqjen nga kombëtarja.
Vendimin e tij, De Biasi e komunikoi gjatë një konference përpara mediave në prani edhe të Presidentit të FSHF, Armando Duka.
Ai tha se ka biseduar me presidentin për vendimin e tij, ndërsa u shpreh se kreu i FSHF nuk do që ai të vijojë punën për më tej në drejtimin e kombëtares.
"Përshëndetje, kjo është një fletë e eksperiencës sime në Shqipëri që nuk do doja asnjëherë të shkruaja. Kam menduar dhe medituar gjatë dhe ju them se nga sot nuk jam më trajneri i kombëtares sonë.
Ndalem këtu sepse dua të mendoj për të mirën dhe rritjen e skuadrës. Mendoj se e kam bërë detyrën që më ka lejuar mua të nxjerr nga ky ekip më të mirën.
