Supermagjistari italian dhe mental coaching, Walter Rolfo, i cili dhuroi spektakël për publikun shqiptar në BunkArt1, ka qenë i ftuar në një event formimi me punonjësit e Agna Akademi Leadership.
Deri ku mund të arrijnë limitet e mendjes njerëzore? A mundet ta bëjmë të pamundurën në të mundur? Ishin këto pyetje, që të lidhura me filozofinë e Agna Group për të krijuar frymë lidershipi në çdo nivel dhe përmirësim të vazhdueshëm, sollën një leksion frymëzimi dhe strategjie për punonjësit e kompanisë.
Përmes numrave të shpejtësisë të ndërthurur me histori personale, Rolfo, tregoi sesi forca e mendimit nuk njeh limite.
?Aty ku të tjerët shohin një mur, në duhet të shohim një dritare??, ishte një nga këshillat e ndara me stafin e Agna Group.
Për të treguar se kreativiteti dhe puna në ekip janë shtylla kryesore të suksesit në një kompani, pjesëmarrësit punuan së bashku për të realizuar vetë disa truke magjie.
