Edhe pse në Cërrik, disa km larg Tiranës, Lulzim Basha mesa duket e kishte ndjekur fjalimin e rivalit Edi Rama gjatë përurimit të Parkut Olimpik të Tiranës me kryebashkiakun Erion Veliaj.
Duke përdorur simbolikën sportive, kreu i opozitës, u bëri thirrje shqiptarëve që më 25 qershor t?i bëjnë kosh Edi Ramës.
"Koshat që bënte sot në basketboll janë koshat që ua ka bërë ju me rritjen e faturës së energjisë, me subvencionet e munguara.
Sillet si yll kinemaje. Nuk është kryeministri i njerëzve të thjeshtë. Është kryeministr i Republikës së Vjetër që ju do shembni përfundimisht me votën tuaj", u shpreh Basha.
Duke premtuar ulje taksash, rritje ekonomike dhe më shumë vende pune, pjesë e programit elektoral të PD-së, Basha e quajti vetën Kryeministri i ekonomisë.
E pikërisht për të ballafaquar alternativat, ai ripërsëriti ftesën për debat ndaj Edi Ramës.
