Procesi i provimeve të Maturës Shtetërore do të vazhdojë normalisht dhe i pandikuar nga fushata zgjedhore.
Kështu u shpreh Gerti Janaqi, zëvendës Ministër i Arsimit, teksa shtoi se bashkëpunimi me drejtoritë arsimore do të sigurojë mbikqyrjen e procesit.
Janaqi u shpreh se procesi është i konsoliduar, ndaj maturantët dhe prindërit duhet të jenë të qetë në mbarëvajtjen e provimeve.
Provimi i parë i Maturës Shtetërore do të mbahet me 5 qershor. Maturantët duhet të paraqiten në orën 8 pranë pikave ku do të zhvillohet provimi, ndërsa provimi nis në orën 10:00.
