Subscribe në Ora News këtu http://bit.ly/1s5j7UT
Lezha do ti presë turistët me kushte të kënaqshme duke u garantuar pastërtinë e plazheve dhe furnizim me ujë të pijshëm. Zotimi është marrë nga prefekti i Lezhës, Eduart Ndreca gjatë takimit rajonal për zhvillimin e turizmit. Prefekti Ndreca kërkoi që institucionet përkatëse të jenë në gatishmëri të plotë për të zgjidhur çdo problematikë gjatë sezonit.
Ndreca: Secili institucion duhet të raportojë pranë këtij komuniteti për të gjithë angazhimin e vet, edhe në rast problemesh por edhe në rast se nuk ka probleme, për gjithë punën dhe mënyrën se si është organizuar puna gjatë këtij sezoni.
Teksa po punohet për pastërtinë e plazheve në prag të sezonit turistik, prefekti Ndreca premtoi se as mbeturinat dhe as uji i pijshëm nuk do të jenë më problem në zonat turistike të Lezhës.
Ndreca: Diskutuam me përfaqësuesin e bashkësisë për të gjitha këto problematika që ju thatë. I ka marrë të gjitha masat e nevojshme dhe besoj se gjithcka është në përfundim e sipër në lidhje me pastrimin e plazheve. Po ashtu, diskutuam me drejtues të ujësjellësit në lidhje me furnizimin me ujë të pijshëm.
Për më shumë lexoni në: http://www.oranews.tv/vendi/lezhe-ndreca-furnizimi-me-uje-e-pastertia-ne-plazh-jo-me-problem/
