VLORE- Një furgon i mbushur me drogë është sekuestruar nga policia rreth orës 00:30 të ditës së sotme në qytetin e Vlorës.
Mjeti tip Mercedes-Benz me targë AA 196 AI ka qenë i mbushur me rreth 932 kg kanabis, ndërsa është konstatuar nga blutë në zonën e "Kuzum Baba", zona ku ka dhe banesa në kodrat e qytetit.
Ka qenë një patrullë e policisë që ka ndaluar furgonin, ndërsa gjatë kontrolleve ka rezultuar se ishte i ngarkuar me sasinë e konsiderueshme të lëndës narkotike të llojit kanabis.
Policia ka bërë shoqërimin e dy personave, ndërsa po punon për identifikimin e personave të tjerë të lidhur me trafikun e drogës.
