TIRANE- Kolegji Zgjedhor ka shtyrë për në datën 22 maj vendimin për padinë e Partisë Aleanca Popullore, me objekt shfuqizimin e listave të kandidatëve.
Seanca në Kolegj nisi rreth orës 10:30, ndërsa pas marrjes në shqyrtim të kërkesës dhe tërheqjes për vendim, trupa e Kolegjit ka vendosur të shtyjë për në datën 22 maj vendimin përfundimtar.
Më herët, Partia Agrare Ambientaliste, një tjetër forcë politike kjo që kërkoi rrëzimin e listave, u tërhoq nga padia me argumentin se arritja e marrëveshjes Basha-Rama e bën të pavlefshme ankimin në Kolegj.
