Protestojnë banorët e lagjes së Francezëve në Korçë.
Shkak për këtë është bërë një vendimi i bashkisë së Korçës, për ndërtimin e një banese kolektive për të pastrehët.
Sipas këtyre banorëve ata rrezikojnë të mbesin pa shtëpi pasi objekti për të pastrehët është parashikuar të ndërtohet në afërsi të dy pallateve, të cilët rrezikojnë të shemben nga punimet për hapjen e themeleve të reja.
Për më tepër, distanca prej 2 metër midis pallateve të tyre dhe ndërtesës 9 katëshe, është jashtë çdo kriteri ligjor urbanistik dhe teknik. Të alarmuar, 50 familje që jetojnë në pallatet e rrezikuara kanë protestuar, duke penguar vazhdimin e punimeve.
