Ditë të dëshpëruara për Shqipërinë, e cilësoi kreu i Partisë Demokratike, Lulzim Basha dakordësinë e dy partive në koalicion për të mbështetur zgjedhjen e Ilir Metës si president i vendit. Nga çadra e protestës, Basha foli për një pazar politik në kurriz të shqiptarëve dhe në interes të klikës në pushtet.
Duke iu referuar marrëveshjes më të fundit për zgjedhjen e Ilir Metës president, kreu i Partisë Demokratike deklaroi se republika e vjetër e lidhur me drogën e krimin ka arritur në stacionin e fundit.
