Kryetari i Partisë Demokratike, Lulzim Basha, bëri sot një propozim surprizë sa i takon zgjedhjes së Presidentit, duke i shtuar edhe një kusht tjetër tryezës së dialogut me mazhorancën.
Pas apeleve të kryeministrit Edi Rama dhe kreut të Kuvendit, Ilir Meta, për përfshirjen e opozitës në procesin e zgjedhjes së kreut të shtetit, nga çadra e protestës përpara Kryeministrisë, Basha tha se "oferta e vetme e opozitës është një President i zgjedhur nga vota e popullit".
