TIRANE-Kryetari i Partisë Demokratike, Lulzim Basha tha sot se ?reformë alla-Shullazi" në drejtësi nuk ka për të pasur kurrë.?
Kryedemokrati Lulzim Basha duket se e ka gjetur arsyen se përse kryeministri nuk e jep dorëheqjen nga drejtimi i qeverisë. Nga cadra e lirisë në ditën 50 të protestës, kreu i PD tha se Rama nuk e kryen një akt të tillë sepse nuk do që të shkojë si i barabartë në zgjedhje. Sipas tij, shefi i qeverisë do të ishte i shkatërruar nga vota e lirë nëse nuk do të kishte mbështetjen e krimit që e mban në pushtet. E në këtë drejtim Basha hodhi poshtë atë që e cilësoi si fabul të përpjekjes së opozitës për të mos lejuar PS të bëjë zgjedhje.
