'Një proces zgjedhor jo tw lehtë për t'u administruar për shkak të bojkotit të opozitës në këtë proces'.
Ky fakt pohohet edhe nga kryetari i KQZ, Denar Biba, i cili gjatë diskutimit për emwrimin kryesisht të sekretarit të KZAZ në Kavajë, tha se opozita e ka vënë përballë një situatë të vështirë administrimin e procesit jo vetëm për këtë njësi por është për zgjedhjet e përgjithshme.
Megjithatë kreu i KQZ nënvizoi se procesi duhet dhe do të administrohet nga KQZ në përputhje me ligjin.
Nënkryetari i KQZ, Hysen Osmanaj kundërshtoi emërimin e sekretarit të KZAZ, duke e konsideruar këtë një veprim të pabazuar.
Pas emërimit me 4 vota pro dhe 3 kundër të sekretarit të KZAZ së Kavajës për zgjedhjet e pjesshme të 7 majit në këtë bashki, KQZ ka diskutuar për procesin e zgjedhjeve politike të 18 qershorit.
Kreu i KQZ njoftoi një risi pozitive për transparencën e procesit kur tha se të gjitha listat e kandidatëve për deputetë do të jenë online në faqen tw KQZ të shoqëruara me CV përkatëse, kjo masë është edhe në kuadër të ligjit të dekriminalzimit tha Biba.
Komisioni qendror i zgjedhjeve po vijon konstituimin e KZAZ për zgjedhjet e përgjithshme duke emëruar kryesisht propozimet që vijnë nga shoqëria civile në kushtet kur opozita, PD e PR nuk ka depozituar emrat e saj.
