Kryetari i Kuvendit, Ilir Meta dhe Ministri i Bujqësisë, Edmond Panariti, ishin të pranishëm në aktivitetin e organizuar nga Urdhri i Mjekut Veterinar dhe Universiteti Bujqësor i Tiranës me rastin e Ditës Ndërkombëtare e Veterinarisë.
Gjatë fjalës së tij kryeparlamentari Meta u shpreh se rëndësia e shërbimit veterinar, është e pa diskutueshme për shëndetin e njerëzve.
?Të jemi krenarë për shërbimin veterinar shqiptar, një shërbim me traditë shumë vjeçare. Reforma e veterinarisë po integron të gjitha shërbimet nën vëzhgimin dhe drejtimin e Ministrisë së Bujqësisë?, është shprehur Meta.
Ndërsa ministri Panariti theksoi se profesioni i mjekut veterinar është shumë i nderuar dhe shtoi se zhvillimi i bujqësisë dhe blegtorisë janë e ardhmja e vendit.
