Ministri i Brendshëm i emëruar, Fatmir Xhafa, ka reaguar sot në lidhje me akuzat publike ndaj tij për tortura të kryera gjatë kohës së diktaturës komuniste.
Ai thotë se të gjitha këto akuza janë ?vetëm shpifje të ulëta, të fabrikuara dhe pa asnjë lidhje me realitetin.?
Deklarata e Xhafës vjen ditën që emri i tij u dekretaua nga Presidenti Bujar Nishani për postin e Ministrit të Brendshëm, pavarësisht se sipas kreut të shtetit kandidatura e tij ishte ?e papërshtatshme? për këtë post.
"Asnjë ditë të jetës sime nuk kam shërbyer në strukturat e sistemit të Sigurimit të Shtetit dhe Ministrisë së Brendshme të asaj kohe dhe as në organet e hetimit që ishin pjesë e Ministrisë së Brendshme," thotë Xhafa në reagimin e tij.
