Nga aktiviteti për Forumin e të Moshuarve, kryebashkiaku Erion Veliaj deklaroi se duhet që të fokusohemi të shërbimet sociale dhe të jemi më solidarë.
Ai u bëri thirrje fëmijëve që të mos braktisin prindërit dhe gjyshërit në këtë moshë, pasi kanë nevojë për mbështetjen e tyre.
"Fëmijët duhet të mbajnë përgjegjësi. Familja shqiptare ka bërë regres, kanë më shumë para, por ka humbur njerzilliku".
Veliaj theksoi se kemi ndihmuar mbi 5 mijë të moshuar në Tiranë, ndërsa do të krijohet edhe qendra e rezervave të qytetit, sikur janë rezerva e shtetit dhe një vend për strehimin e njerëzve në nevojë.