Ministri i Punëve të Jashtme, Ditmir Bushati, priti mesditën e kësaj të marte në një takim, homologun e tij italian, Angelino Alfano.
Në fokus të këtij takimi kanë qenë marrëdhëniet mes dy vendeve si dhe perspektiva e Shqipërisë në rrugën e integrimit drejt BE-së.
Gjatë konferencës së përbashkët për shtyp, dy ministrat iu referuan dhe situatës politike në Shqipëri. Alfano u shpreh se Italia mbështet kursin reformator të Shqipërisë dhe përmbushjen e 5 prioriteteve kyçe.
"Ne mbështesim procesin e reformave të Shqipërisë që përkon me 5 pikat, prioritete kyçe të përcaktuara në Këshillin e dhjetorit 2015. Nuk mund të futem në dinamikën politike të një vendi tjetër, sepse është një vend i lirë dhe sovran", tha Alfano.
