Остри осуди Од Меѓаши најавија претставка за колумната на Шиндре
Педофилијата нема никакво оправдување! Бараме доживотна казна затвор или хемиска кастарција за секој педофил. Бараме регистарот на педофили повторно да се врати во употреба. Ова е ставот на Првата детска амбасада во светот Меѓаши.
Од таму очекуваат Јавниот обвинител кривично да го гони активност Никола Шинре, кој во својот текст насловен како сексуалноста над рационалноста се залага за легализација на педофилијата, а најавуваат и дека ќе поднесат и претставка до Народниот Правобранител за злоупотреба на медиумскиот простор за загорзување на правата на детето.
Додека Шиндре во својата колумна бараше намалување на затворските казни за педофилите, од Првата детска амбасада децидни, велат дека казните за насилен полов акт врз дете во никој случај не смеат да омекнат.
Секое дете може да биде потенцијална жртва и многу лесно да западне во рацете на злоставувачите, предупредуваат од Меѓаши, затоа од таму велат дека едукацијата е најдобар начин за превенција.
Ова е трет ден по ред како колумната на Никола Шиндре предизвикува бура од реакции и осуди и остава голем број неодговорени прашања.
Дали авторот и порталот на кој е објавена колумната ќе преземат одговорност за секое следно дете жртва на педофилија, прашува на својот фејсбук профил директорот на првата детска амбасада Драги Змијанац.
