အသေးစားအလတ်စားလုပ်ငန်းများဖွံ့ဖြိုးတိုးတက်ရေးဘဏ်ကနေတစ်ဆင့် အရင်းအနှီးငွေချေးပေးသွားမယ့် အစိုးရ ရဲ့အစီအစဉ်ဖြစ်ပါတယ်၊။ လက်ရှိလျာထားတဲ့ ကျပ်ငွေဘီလီယံ ၂၀ထဲက ပြည်တွင်းစက်မှုလုပ်ငန်းပေါင်း ၃၅၀ကို ကျပ်ငွေ ၉.၅ ဘီလီယံကို ထုတ်ချေးပေးခဲ့တာဖြစ်ပြီး နောက်ထပ်ချေးဖို့ ကျပ်ငွေ ၁၀.၅ ဘီလီယံကျန်နေပါသေးတယ်၊ ဒီကျန်တဲ့ ချေးငွေတွေအတွက် အစိုးရရာဖြတ်အဖွဲ့ကနေ ပြည်နယ်နဲ့ တိုင်းဒေသကြီးတွေကနေ ထောက်ခံပေးထားတဲ့ စက်မှုလုပ်ငန်း တွေကို စစ်ဆေးနေဆဲဖြစ်ပါတယ်၊ လက်ရှိအချိန်မှာတော့ စက်မှုလုပ်ငန်းတွေကိုပဲ ချေးငွေပေးတဲ့အခြေအနေကိုတော့ အသေးစားအလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးဌာနရဲ့ ဒုတိယညွှန်ကြားရေးမှူးချုပ် ဒေါ်အေးအေးဝင်းက ပြောပြထားပါတယ်။နောက်ထပ်ချေးငွေရရှိဖို့ အစီအစဉ်တွေအနေနဲ့ ဂျပန်နိုင်ငံအစိုးရရဲ့ နိုင်ငံတကာထောက်ပံ့ရေး(JICA-ဂျိုက်ကာ) ကနေ ကျပ်ငွေဘီလီယံပေါင်း ၅၀နဲ့ စင်ကာပူနဲ့ ဗီယက်နမ်နိုင်ငံတွေကနေလည်း အသေးစားအလတ်စားလုပ်ငန်းတွေအတွက် ချေးငွေ ကျပ်ငွေ ဘီလီယံ ပေါင်း ၅၀ နောက်ထပ်ရရှိသွားဖို့ရှိနေပါတယ်။ စုစုပေါင်းရရှိနိုင်တဲ့ ငွေကြေးထောက်ပံ့မှုအနေနဲ့ ကျပ်ငွေဘီလီယံပေါင်း ၁၀၀အထိရှိနေပါတယ်။
