ИЗВЕШТАЈ НА ПРВАТА ДЕТСКА АМБАСАДА ЗА ДИСКУСИИ ПОВРЗАНИ СО ДЕЦАТА ВО ЗАКОНОДАВНИОТ ДОМ ВО 2016
Првата детска амбасада во светот Меѓаши, оддржа прес-конференција на која го презентираше Извештај за застапеноста на детските права во работата на Собранието на Република Македонија во текот на 2016 година. Оваа активност е дел од проектот: „Имплементација на Конвенцијата за заштита на правата на детето во Македонија“, спроведуван од Коалицијата на младински организации СЕГА и поддржана од Детската фондација Песталоци.
Од Првата детска амбасада Меѓаши велат дека досегашната анализа на работата на Собранието е направена во врска со темите за детските права во периодот од јануари до декември 2016 година, а се анализираат предлози, иницијативи, Предлог Закони и измени на законски решенија, дискусии итн.
Од анализата е заклучено дека се третираат следниве права во текот на 2016 година: правата на децата на соодветно образование, првата на децата на здравствена заштита и правата на децата на социјaлна заштита.
“При анализата на документацијата беше земен во предвид политичкиот контекст во кој функционираше Собранието на Република Македонија во текот на 2016 година и присуството на многу приоритетни прашања кои се директно поврзани со функционирањето на нашата држава. Од тој аспект сметаме дека и индиректниот начин на разгледување и дискутирање за правата на децата се за поздравување. Сепак, ги повикуваме пратениците на Собранието на РМ во иднина да стават акцент не само на примарните права на детска заштита, туку и на секундарните и терцијални права како што се право на детско учество, слобода на говор, итн.). Исто така, препорачуваме Комисиите кои третираат прашања поврзани со детските права да вклучуваат граѓански организации кои имаат експертиза по одредени прашања со цел да се поттикне партиципативен процес при донесување на системски одлуки поврзани со детските права”, се вели во извештајот на Меѓаши.
Според податоците на детската амбасада за работата на Собранието, од вкупно 35 одржани пленарни седници, на осум од нив индиректно се дискутирало за деца и нивните права.
На седниците е дускутирано за укинување на екстерното тестирање, за промени во образовниот процес, за итна прераспределба на буџетот за реконстукција на ученичките и студентските домови за да се обезбедат подобри услови, за отварање на нови градинки, за реконструкција на старите кровни констукции на градинките со што децата ќе бидат побезбедни.
“На децата со попреченост според Конвенцијата за правата на децата треба да им се овозможи соодветно и квалитетно образование. За таа цел сметаме дека е неопходно вработување на дефектолози како стручни лица кои би им помогнале на оваа категорија на деца да се образуваат во согласност со своите лични способности, вработувањето на дефектолози во основните и средните училишта е значаен и важен чекор. Од анализата на оваа седница е изложено дека има потреба од вработување на 131 дефектолог во основните и средните училишта во Република Маке
