"Të hënën do të futemi në greve urie".
Është ky kërcënimi i punëtorëve të rafinerisë së ARMO-s në Fier të cilët prej tre muajsh nuk marrin pagat mujore, ndërsa sigurimet nuk janë paguar prej 19 muajsh.
Punonjësit kanë treguar peripecitë e kaluara, ndërsa si zgjidhje tashmë shohin vetëm grevën e urisë.
Pak kohë më parë një punonjës i kësaj rafinerie tentoi të hidhej nga kulla e oxhakut, ndërsa protestat vazhduan edhe përpara prefekturës.
Punonjësit kanë theksuar se edhe pse problematika është përcjellë në instancat më të larta, ka mungur reagimi i institucioneve përkatëse.
