TIRANË-Dy makina të blinduara me një shumë të madhe parash cash të një banke të nivelit të dytë janë grabitur sot në dalje të Tiranës. Shuma monetare rreth 2 mln Euro që u grabit, ishte marrë nga Banka e Shqipërisë për llogari të një banke të nivelit të dytë dhe do të dërgoheshin në Vjenë.
Ngjarja është shënuar rreth mesditës, ora 13:50 rrugës për në Rinas kur mjetet e blinduara te 'Jaguar Security' që po udhëtonin në mbikalimin e Kasharit u është zënë pritë nga dy automjete në të cilat po udhëtonin persona të armatosur. Shqiptarja com siguron videon ekskluzive nga momenti kur nën kërcënimin e armës u grabitën blindet e bankës.
