Një makinë e transportit valutor u grabit në rrugën mes Qafe Kasharit dhe Rinasit. Keto jane momentet kur dy fuoristrada goditen dy mjete të blinduara të një policie private dhe neutralizuan policët privatë.
Pamjet janë filmuar gjatë grabitjes, nga një qytetar që i dërgoi ato në redaksinë e tvklan.al. Në to shihet se si grabitësit, 5 vetë sipas dëshmitareve, marrin disa thase me para dhe i fusin ne dy makinat e tyre.
Burime të Tv Klan thanë se kanë qenë të paktën 7 thasë. Gjithçka zgjat rreth 2 minuta. Me pas ata largohen me shpejtësi në drejtim të Rinasit.
Makinat e përdorura në grabitje u gjetën të djegura disa minuta me pas nga policia, në afërsi të vendit ku në qershor të vitit të kaluar u gjet e djegur makina që u përdor për grabitjen e të paktën 1 milion eurove në pistën e Rinasit.
Nuk dihet ende shuma e grabitur, ndërsa mësohet se ato ishin paratë e një banke të nivelit të dyte, që do të dërgoheshin jashtë vendit me linje ajrore, si ne rastin e grabitjes së 30 qershorit./ TV KLAN
